مش عايزة أتجوز

مش عايزة أتجوز عادات وتقاليد
مش عايزة أتجوز مشهد رومانسي في فيلم
مش عايزة أتجوز كلمتين من أغنية في كليب رومانسي مقرف
مش عايزة أتجوز كلام محفوظ تحت بند “الناس كلها بتقول كده في المرحلة دي
مش عايزة أتجوز واحد مش فاهم يعني ايه سَكن ومودة ورحمة
مش عايزة أتجوز مصباح علاء الدين شايف إن “السعادة” في الماديات
مش عايزة أتجوز واحد معندوش مبدأ وفكرة ورسالة عايش ليهم
مش عايزة أتجوز واحد معندوش أي رؤية لحياته الزوجية ولا مستقبله ومستقبل أولاده، وعاوز يرتبط لمجرد إنه بقى معاه شوية فلوس يقدر يدخل بيهم أي بيت وهو حاطط رجل على رجل
.
مش عايزة أتجوز واحد فاهم إن الرجولة في إنه يُملي أوامر على البنت اللي هيرتبط بيها ,, أوامر تافهة سطحية من غير نقاش لمجرد الإمارة وفقط
.
مش عايزة أتجوز واحد فاهم إن “الدين” مظاهر قدام الناس وميعرفش أخلاقه
.
مش عايزة أتجوز واحد فاهم إن “الغيرة” في إني مخرجش بعد غروب الشمس ومكلمش الناس، لكن مفيش مشكلة يرقص ويرقّصني في فرحي تحت بند “ليلة العمر” حيث المُحرّم في الأيام العادية يكون فيها مُباح

مش عايزة أتجوز واحد اسمه مُتديّن علشان بيصلي “الفروض” بس مفيش تأثير لصلاته على شخصيته وحياته

مش عايزة أتجوز واحد منساق ورا العادات والتقاليد وعايش على خُطى السابقين وخُطى ونصائح الفاشلين

مش عايزة أتجوز واحد يدفع فيّ كل شقاه من قبل ما يعرف أنا هبقى مناسبة ليه أصلاً وهنقدر نكمل مع بعض ولا لا

*مش عايزة أتجوز طول ما المنظومة غلط والأصنام لسه عايشة حتى بعد عصر الجاهلية*

أنا عارفه إنه موجود في مكانِ ما، إما في دنيانا أو في جنة الله، أياً كان بس الأكيد إنه موجود وهيجمعنا ربنا وقتما شاء حيثما شاء أينما شاء (سبحانه وتعالى مُدبر كل أمر) ..   وأنا الحقيقة مش مستعجلة البتّة بس حبيت أسرد ما بخاطري علشان أقول للي مستعجلين عليّ لسه بدري
..
نصيحة: لو الجواز بالنسبة ليكم “رسالة” فرجاءً متتنازلوش وتيأسوا وتوافقوا بأي حد مش مناسب، علشان محدش هيشيل لامؤخذه “الطين” غيركم، ولا مجتمع هيبطل يصنّف ولا ناس هتبطل تتكلم .. أنتَ بس اعرف أنتَ عايز ايه واتقِ الله والكريم بإذنه هيرزقك باللي يطيّر قلبك من الفرحة.
.
نصيحة تانية: متسمعش لأي حد بيتكلم عن الزواج بمثالية عالية أو سوء، لإن كل اتنين ليهم ظروفهم الخاصة والبيوت مش بتتشابه بالظبط ولا الشخصيات كمان، فمشي حياتك أنت بنفسك ولا تسمع للي حياته وردي ولا اللي حياته بلاك علشان متتصدمش في كل الأحوال .. وشكراً ؛

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s